შევქმენით განსაკუთრებული დღე, სადაც მთავარი გმირები სწორედ ბავშვები იყვნენ.
ბავშვთა დაცვის საერთაშორისო დღე განსაკუთრებული თარიღია, რომელიც გვახსენებს, რამდენად მნიშვნელოვანია ბავშვებისთვის ბედნიერი, უსაფრთხო და განვითარებაზე ორიენტირებული გარემოს შექმნა. სწორედ ამ ღირებულებების გაზიარებით, „ბაგრატიონი დეველოპმენტმა“ ჩვენს პატარა მობინადრეებსა და მათ ოჯახებს დაუვიწყარი დღე აჩუქა.
ჩვენთვის მნიშვნელოვანია ისეთი სივრცეების შექმნა, სადაც ბავშვები არა მხოლოდ ცხოვრობენ, არამედ ბედნიერად იზრდებიან, მეგობრობენ, თამაშობენ და საუკეთესო მოგონებებს აგროვებენ. სწორედ ამ იდეით შევქმენით სადღესასწაულო გარემო, სადაც დღის მთავარი გმირები ბავშვები იყვნენ.
ღონისძიებისთვის სპეციალურად მოეწყო ფერადი და დეკორირებული სივრცე, რომელიც პატარებს ზღაპრულ სამყაროში ამოგზაურებდა. დღის განმავლობაში მათ დახვდათ მრავალფეროვანი შოუ-პროგრამა, სახალისო აქტივობები და პროფესიონალი ანიმატორები, რომლებმაც ბავშვებთან ერთად მხიარული და ენერგიული ატმოსფერო შექმნეს.
„ბაგრატიონი დეველოპმენტისთვის“ საცხოვრებელი გარემო მხოლოდ თანამედროვე არქიტექტურა და კომფორტული ბინები არ არის. ჩვენი მიზანია შევქმნათ საზოგადოება, სადაც ადამიანები თავს სახლში გრძნობენ, ხოლო ბავშვებს აქვთ შესაძლებლობა უსაფრთხო და მეგობრულ გარემოში გაატარონ თავიანთი ბავშვობის ყველაზე ლამაზი წლები.
